Quannu rria Natali...(1970)

Quannu rria Natali...ndi mutamu
ricali, canti e pettuli 'mpddati
pinzamu soltantu  'ndi buffamu
lajini, tacchini e cartiddati!


Pi nu 'ncantesimu, quasi pi mascìa
quannu rria Natali e fini t'annu
simu cchiù bueni e cu la fantasia
'ndi scurdamu li uai ti quistu munnu!


Ma uarda! Comu faci cu ti scuerdi?
Mentri sta mangi e pienzi allu ricalu
pi l'amici e li famigliari
nu piccinnu ti toi anni appena,
na mamma ca no' sapi ccè ppò fari
cunsumati e strazziati ti la fami
sperunu ancora nu stuezzu ti pani!
Ddu mostru ti la televisioni
ti sbatti an facci senza compassioni
sceni ti fami, ti tuluri e morti,
pi nu stranu scherzu ti la sorti!


Intantu.."Papà!" tici figghiata la Mariella
"iu vogghiu la bambola cchiù bella!"
e figghiata lu Pieru ca è vagnoni
e a vvoti nu picca rusiconi
crita "Papà! ti mei no' ti scurdari,
vogghiu nu pianu cu pozzu sunari!"
E tu uardi lu cchiù piccinnu...lu Tunatu
e ddici "figghiu mia, sì furtunatu!
ma pi nnui ca simu cranni e vaccinati
si pripara na fini ti tannati!
mintimindi na manu alla cuscienza
e iutamu tutti cu la santa pacienza,
iutamili osci ca 'ndi convieni a nui stessi,
ci nò crai paiamu puru l'interessi!!!